د "اهل بيت" د بڼو تر مېنځ توپير

۲. يو لړ حديثونه په بې شمېره توګه په تېره بيا د اهل سنت او جماعت په کتابونه کي د تطهير د آيې تر څنګ راغلي دي چې ټوله په يوه خوله وايي دغه پنځه کسان هغه اهل بيت دی چې په قرآن مجيد او په اړوند حديثونو کي راغلۍ دی. دلته د نمونې په ډول په يوه حديث باندي اشارت کوو:

۴. د حاکم په مستدرک او داهل سنت په ځينو نورو کتابونو کي راغلی دی ، کله چې علی په شهادت ورسېد حسن بن علی د خپلې خطابې او وينا په ترڅ کي د خدای د ستاينې او ثنا څخه وروسته د خلکو په وړاندي داسي وويل: «...اې خلکو هر څوک چې ما پېژني خو پېژني او هر څوک چې مي نه پېژني زه حسن د علی زوئ يم، زه د نبي زوئ يم، زه د وصی زوئ يم، زه د بشير او د نذير زوئ يم، زه د هغه چا زوئ يم چې د خدای لورې ته د هغه په اذن بلنه کول، زه د وړانګې ورکونکۍ څراغ زوئ يم، زه د هغه اهل بيت څخه يم چې جبرئيل پرموږ باندي نازيلېدل او بېرته آسمان ته پورته کېدل، زه د هغه اهل بيت څخه يم چې خدای تعالی له هغوی څخه هر ډول رجس او چټلۍ ليري کړې او هغوی يې په بشپړه توګه پاک کړی دی، زه د هغه اهل بيت څخه يم چې خدای تعالی د هغوی مينه او محبت پر هر مسلمان باندي فرض کړی دی او په دې باره کي يې خپل رسول ته داسي ويلی دی: ووايه چې زه ستاسوڅخه د خپل د رسالت په وړاندي زما د اهل بيت د مينې او محبت نه پرته هېڅ شۍ نه غواړم او هر څوک چې ښه کار سر ته ورسوي ، د هغه ښېګڼي ته زياتوالی ورکوم. د ښه کارونو سر ته رسول زموږ د اهل بيت محبت او مينه ده».<ref>المستدرك، الحاكم النيسابوري ، ۳ / ۱۷۲.( أيها الناس من عرفني فقد عرفني ومن لم يعرفني فانا الحسن بن علي وانا ابن النبي وانا ابن الوصي وانا ابن البشير وانا ابن النذير وانا ابن الداعي إلى الله باذنه وانا ابن السراج المنير وانا من أهل البيت الذي كان جبريل ينزل الينا ويصعد من عندنا وانا من أهل البيت الذي اذهب الله عنهم الرجس وطهرهم تطهيرا وانا من أهل البيت الذي افترض الله مودتهم على كل مسلم فقال تبارك وتعالى لنبيه صلى الله عليه وآله قل لا أسئلكم عليه اجرا الا الموده في القربى ومن يقترف حسنه نزد له فيها حسنا فاقتراف الحسنه مودتنا أهل البيت).