د "د بندگانو د آزموينې څرنګوالی" د بڼو تر مېنځ توپير

د قرآن کریم آیتونو ته په پاملرنې سره وواياست چې خدای څرنګه خپل بندګان آزمايي؟  

هر وګړۍ او ټولنه په یو ډول سره په دې الهي سنت کې شریک او برخمن دي او د خدای آزموينې په ډول ډول شکلونو د دوئ لورې ته راځي.<ref>مکارم شیرازی، ناصر او همکاران يې، د نمونې تفسير، دارالكتب الاسلامیه، ۱ټوک، ۵۲۸مخ</ref>قرآن کریم د بقرې د سورې په ۱۵۵ آیت کې د خدای د آزموینې ډولونه داسي شمېرلي دي: «وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ ۗ وَبَشِّرِ الصَّابِرِينَ؛ او موږ حتما تاسو په ویره، لوږه، د مالونو او نفسونو او د حاصلاتو په کمښت سره امتحانوو او صبر کوونکو ته زیری ورکړه.» (البقره: ۱۵۵)

الهي آزموینې په نورو ډولونو سره هم ترسره کیږي: کله وګړي په يو چاپېريال کي ځای پرځای کيږي چې له هر نظره لړلی دی. د دغو کسانو آزموينه داده چې په دغو شرايطو کي د دې چاپېريال رنګ ځان ته وا نخلي او خپل اصالت او پاکوالی وساتي. بله ډله د محرومیت تر فشار لاندې راځي، حال دا چې دوئ ویني که په بل ډول سره ژوند وکړي او خپل ایمان، تقوا او عزت له لاسه ورکړي، کولای شي خپلې ستونزې حل کړي او همدغه د دوئ امتحان دی. بله ډله په نعمتونو کې ډوبېږي چې آيا د نعمتونو شکر کوي او که په غفلت او غرور او په خوندونو او شهواتو کي ډوبيږي.<ref>د نمونې تفسير، دارالكتب الاسلامیه، ۱۶ټوک، ۲۰۷ ـ ۲۰۶مخ.</ref>  

* تفسیر نمونه، د عنکبوت د سورې د ۱ تر آیت لاندي؛ د بقرې د سورې ۱۵۵ آیت؛ انبیاء، ۳۵آيت دارالكتب الاسلامیه.