د جنازې د مراسمو فضیلت
- تغییر_مسیر الگو:پاسخ
آیا د جنازې په مراسمو کې ګډون کول، مړي ته یا ګډون کوونکي ته کومه ګټه لري؟
د جنازو په مراسمو کې د ګډون سپارښتنه له دې سببه شوې ده چې حاضرینو ته مرګ او آخرت وریادوي. همدارنګه، د جنازې د مراسمو له ګټو څخه یوه دا هم ده د هغې اجر ګډونوالو او مړي دواړو ته رسیږي. پيغمبر(ص) د جنازو په مراسمو کې د ګډون سپارښتنه وکړه، په دې باور و چې دا کار خلکو ته آخرت وریادوي. امام صادق علیه السلام د مړي کورنۍ ته سپارښتنه کړې چې د مړي د مړینې خبر نورو ته ورکړي ترڅو په جنازه کې ګډون وکړي، په مړي لمونځ وکړي، او په دې توګه هم د هغوي لپاره اجر ترلاسه کیږي او هم به د مړي لپاره استغفار شي.
د مرګ او اخرت یاد
په ځینو روایتونو کې د جنازې په مراسمو کې د ګډون ګټه د مرګ او آخرت د یادولو په مانا ګڼل شوې ده: پيغمبر(ص) د جنازې په مراسمو کې د ګډون سپارښتنه کړې ده؛ ځکه چې دا کار انسان ته آخرت وریادوي، او د روایتونو له مخې، پخپله پیغمبر(ص) به چې کله په جنازه کې ګډون کاوه، غمجنیده به او لږې خبرې به يې کولې.[۱]
امام باقر علیه السلام په جنازې کې ګډون، د واده په مراسمو کې له ګډونه وړاندې ګڼلی دی؛ ځکه چې جنازه انسان ته مرګ او آخرت وریادوي.[۳]
پيغمبر(ص) حضرت ابوذر غفاري ته د جنازې په اړه ځینې نصیحتونه کړي، او هغه ته یې یادونه کړې چې هرکله چې په کومې جنازې پسې روان شوې، نو باید ذهن دې په غور او عاجزۍ سره د هغې جنازه په اړه بوخت وي، او باید پوه شې چې ته به هم ورسره یوځای کیږې.[۴]
امام علی(ع) په یوه جنازه کې واوریدل چې یو کس خاندي، ویې فرمایل: «دا داسې ده لکه په دې نړۍ کې چې مرګ یوازې د نورو لپاره ټاکلی وي.»[۵] بیا یې خبرداری ورکړ چې دا جسدونه چې جنازه یې کیږي بیرته نه راځي، او موږ به هم په دې نړۍ کې تل پاتې نه یوو.[۵]
د جنازې کوونکي او مړي د ګناهونو بخښښ
د جنازې له ګټو څخه یوه ګټه هغه اجر دی چې ګډون کوونکو ته ورکول کیږي.[۶] همدارنګه، د امام باقر(ع) د ځینې روایتونو له مخې، څلور شفاعته هغو کسانو ته ورکول کیږي چې په جنازه کې یې ګډون کړی[۷] او فرښتې د جنازې ګډونوالو ته د جنت ژمنه ورکوي.[۸]
په یوه بل روایت کې راغلي دي چې څوک د یو مومن جسد سره تر هغه وخته پورې وي چې دفن شي، خدای به د قیامت په ورځ اویا فرښتې د هغه په سر مقرر کړي چې له هغه سره ملګري وي او د هغه لپاره بخښنه وغواړي.[۹]
امام صادق علیه السلام د مړي کورنۍ ته سپارښتنه کړې چې د مړي د مړینې خبر نورو ته ورکړي ترڅو په جنازه کې ګډون وکړي، په مړي لمونځ وکړي، او په دې توګه هم د هغوي لپاره اجر ترلاسه کیږي او هم به د مړي لپاره استغفار شي.[۱۰] امام باقر(ع) په یوه روایت کې فرمایلي دي بخښنه د هغه کسانو ډالۍ ده چې په جنازه کې يې ګډون کړی دی.[۸]
په جنازو کې، اصل د انساني ارزښتونو پر بنسټ ولاړ دی. په سرچینو کې ذکر شوي دي، یوه جنازه یې وړله په داسې حال کې پيغمبر(ص) او اصحاب یې ناست وو. هغه حضرت(ص) او اصحاب یې پاڅیدل تر دې چې جنازه یې یوړه. پیغمبر(ص) ته وویل شول چې دا سړی یو یهودي و نو پېغمبر(ص) د مړي درناوې ولی وکړ؟ پېغمبر(ص) وفرمایل: «آیا هغه انسان نه و؟!».[۱۱]
فوټ نوټ
- ↑ شیخ عباس قمي، سفینه البحار، نشر اسوه، ج ۴، ص ۵۶۵.
- ↑ حسیني تهراني، معادشناسي، ج ۳، ص ۳۴.
- ↑ علامه مجلسي، بحارالانوار، ۱۴۰۳ ق، ج ۷۸، ص ۲۸۴.
- ↑ طبرسي، مکارم الأخلاق، ۱۴۱۲ ق، ص ۴۶۵.
- ↑ ۵٫۰ ۵٫۱ صبحي صالح، نهج البلاغة، حکمت ۱۲۲، ص ۴۹۰.
- ↑ الانوار النعمانیه، ص ۲۲۰.
- ↑ قمي، شیخ عباس، سفینة البحار و مدینة الحکم، نشر اسوه، ج ۴، ص ۵۶۵.
- ↑ ۸٫۰ ۸٫۱ کلیني، الکافي، ۱۴۰۷ ق، ج ۳، ص ۱۷۲.
- ↑ محمد باقر مجلسي، زاد المعاد، ص ۵۴-۵۵.
- ↑ طبرسي، مکارم الأخلاق، ۱۴۱۲ ق، ص ۳۶۰.
- ↑ بحارالانوار، ج ۱۸، ص ۲۵۴.