د "د تطهير په آيت کي د اهل‌بيت څخه مقصد" د بڼو تر مېنځ توپير

د اهل سنت ډېرو عالمانو پر دې باندي ټينګار کړی دی چه اهل‌بیت هغه پنځه تنه آل عبا دي.  

د ام المؤمنين عايشې له لاري د صحيح مسلم په کتاب او نورو حديثي او تفسيري کتابونو کي دا حدیث راغلی دی. ام المؤمنين حضرت عايشه په دې حديث کي وايي: «يوه ورځ  د سهار د لمانځه په وخت رسول الله (ص) يوه  جامه  پر خپل ځان اچولی وو چې له  تورو وړيو څخه اوبدل شوې وه . په دې وخت کي حسن بن علي راغۍ  چي  رسول الله(ص) هغه د ځانه سره تر جامې لاندي کړ. يوه شېبه وروسته حسين راغۍ، هغه هم د رسول الله په څنګ کي تر جامې لاندي ننوت. ورپسې  فاطمه د رسول الله لور راغله او تر جامې لاندي شوه. وروسته له هغې نه علي راغۍ او د هغوئ سره تر جامې لاندي يو ځای شو. په دې وخت کي رسول الله(ص) وويل: «إِنَّما يُريدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَ يُطَهِّرَكُمْ تَطْهيراً، يعني  خدای تعالی اراده کړې ده چي يواځي ستاسو اهل بيت څخه هر ډول چټلئ او ګناه ليري کړي او تاسي په بشپړه توګه پاک وساتي.»<ref>مسلم بن حجاج نيشابوري، صحیح مسلم، 4ټوک، 1883مخ،  بیروت، دار إحياء التراث العربي، تحقيق: محمد فؤاد عبد الباقي.بی‌تا.</ref>

دا مبارک حديث په روښانه توګه بيانوي چې په هغه وخت کي يوازي دغه پنځه کسه يعني محمد مصطفی(ص)، علی، فاطمه، حسن او حسين(ع) د اهل بيت تر نوم لاندي ځای لرل او نور هيڅ څوک په دې نوم کي د هغوئ سره ګډون نه درلودل. له دې ترڅ نه دا پايله  لاسته راځي چې د قرآن کريم  په عرف کي نه د رسول الله(ص) ښځي او نه د هغه نور خپلوان هيڅ يو د هغه اهل بيت نه ګڼل کيږي چې د تطهير د آيې په روښانه دلالت د خدای(ج) په اراده د هر ډول ګناه، ناپاکۍ او خطا څخه  په بشپړه توګه پاک او سپېڅل شوي دي.  

دا حديث چې د ام سلمې د خدای د رسول(ص)  دبلې ښځې له لارې را نقل شوی دی په روښانه توګه پر دې باندي دلالت لري چې د رسول الله (ص) ښځې څه په يوازينۍ توګه او څه د نورو سره په ګډون نشي کيدلای داهل بيت مصداق و ګڼل شي. ام سلمه وايي: کله چې د تطهير آيه زما په کور کي نازله شوه رسول الله(ص) علي، فاطمه ، حسن او حسين تر کسا لاندي راټول کړل او وئې فرمايل: «اللهم هؤلاء اهل بيتي، خدايه دغه کسان زما اهل بيت دی» ام سلمه وايي ما رسول الله (ص) ته وويل چې آيا زه ستا اهل بيت نه يم؟ هغه په ځواب کي راته وويل: ته زما اهل يې او له خيره سره يې اما دوئ زما اهل بيت دي.<ref>المستدرک علی الصحيحين، 3ټوک،451مخ؛ ترمذي، محمد بن عيسی، سنن الترمذي ، بيروت، دارالفکر للطباعه و النشر، 1403ق،  5ټوک، 30 – 31مخونه.</ref>   

واحدی د اهل سنت د نامتو عالمانو د تطهير آیه رسول الله مبارک (ص)، علی (ع)، فاطمه(ع)، حسن (ع) او حسین (ع) ته ځانګړی ګڼي او معتقد دی چې هيڅ بل وګړی په دې موضوع کې د هغوئ سره ګډون نه لري.<ref>الواحدی النیسابوری، کتاب اسباب النزول الآیات، ذیل تفسیر آیه ۳۳ احزاب، انتشارات موقع یعسوب</ref>   

آلوسي د اهل سنت نامتو مفسر د اهل بیت د مصداق لپاره د ثقلين د حديث څخه مرسته اخيستې ده چې رسول الله (ص) وفرمايل: «إني تارك فيكم خليفتين وفي رواية ثقلين كتاب الله حبل ممدود ما بين السماء والأرض وعترتي أهل بيتي وإنهما لن يفترقا حتى يردا على الحوض». آلوسي وايي د دې حديث اقتضا او غوښتنه داده چې د رسول الله (ص) مطهرې ښځې په اهل بيت کي چې د دوو ثقلو څخه يو ثقل دی، نه داخليږي؛ ځکه د هر سړي عترت لکه څنګه چې په صحاح کي راغلي دي د هغه نسل ته ويل کيږي او د اهل بيت کلمه په دې حديث کي د عرب د ادبیاتو په اصطلاح بدل يا عطف بیان دی.<ref>سید محمود آلوسی ، روح المعاني في تفسير القرآن العظيم والسبع المثاني، 22ټوک، 16مخ، بیروت، دار إحياء التراث العربي، [بی‌تا].</ref>

== اخيستن ځایونه ==